Jump to content

Seuthes III

E Vicipaedia
Caput aëneum Seuthis III anno 2004 in sepulcro regali Šipka inventum.

Seuthes III (Graece Σεύθης) (floruit 330-311 a.C.n.) fuit rex Odrysarum qui inter annos 330 a.C.n. et 311 a.C.n. fere regnavit.

Biographia

[recensere | fontem recensere]
Nummus regni Odrysarum rege Seuthe III factus.

De primis annis vitae Seuthis III non scimus. Anno 346 a.C.n., magna pars Thraciae capta erat a Philippo II rege Macedoniae. Anno autem 336 a.C.n., Philippo mortuo, Thraces seditionem concitaverunt, sed Alexander, novus rex Macedoniae, brevi tempore seditionem vindicavit et Triballos, Syrmo duce, Getasque vicit.[1] Anno 330 a.C.n. Seuthes, Alexandro in Persia pugnante, novam seditionem fecit cum Memnone, stratego Thraciae,[2] sed anno 326 a.C.n., Antipater dux Macedonum eum vicit. Anno proximo, copiae Zopyri, successoris Antipatris, superatae sunt a Getis, et regnum Odrysarum civitas sui iuris factum est. Anno 323 a.C.n., Alexandro Magno mortuo, diadochus Lysimachus regem Thraciae se proclamavit, et saepe bellum contra Seuthem gessit[3] usque ad annum 312/311 a.C.n., cum Lysimachus eum vinceret. Anno 320 a.C.n., Seuthes III Seuthopolim, novum caput regni Odrysarum, condidit.[4] Anno 313 a.C.n., Antigono I in bello contra Lysimachum adiuvit.

Seuthes III bis uxorem duxit, et "Gonimase" fortasse erat nomen uxoris secundae.[5] Cotys II, filius Seuthis et primae uxoris, rex factus est post eius mortem.

Sepulcrum regis (Goljama Kosmatka) apud Seuthopolim situm.

Fortuna

[recensere | fontem recensere]
Ensis regis Seuthis in sepulcro regali inventus.

Anno 2004 in Bulgaria (Thracia hodierna) apud urbem Kazanlak (antiquum Seuthopolim), sepulcrum regis (Bulgarice Goljama Kosmatka) inventum est a Georgio Kitov, archaeologo Bulgarico:[6] in sepulcro caput aëneum Seuthis, ensis eius, et corona aurea erant. Hodie caput in Museo Archaeologico Nationale Serdicae exhibetur.

Fontes antiqui

[recensere | fontem recensere]

Notae

[recensere | fontem recensere]
  1. ↑ Arrianus, I, 4,1.
  2. ↑ Tačeva 2006: 186, 189.
  3. ↑ Tačeva 2006: 190.
  4. ↑ Siegert 1986:125.
  5. ↑ Dana 2015: 246–47.
  6. ↑ De sepulcro Seuthis III. (Anglice).

Bibliographia

[recensere | fontem recensere]
  • Dana, Dan, Inscriptions, in: J. Valeva et al. (eds.), A Companion to Ancient Thrace, Wiley, 2015.
  • Delev, Peter, Thrace from the Assassination of Kotys I to Koroupedion (360-281 BC), in: J. Valeva et al. (eds.), A Companion to Ancient Thrace, Wiley, 2015.
  • Siegert, Heinz, I Traci, Mediolani, 1986.
  • Tačeva, Margarita, The Kings of Ancient Thrace. Book One, Serdicae, 2006.
  • Topalov, S., The Odrysian Kingdom from the Late 5th to the Mid-4th C. B.C., Serdicae, 1994.
  • Werner, Robert, in: W.-D. von Barloewen (ed.), Abriss der Geschichte antiker Randkulturen, Monaci, 1961.

Nexus externi

[recensere | fontem recensere]
Vicimedia Communia plura habent quae ad Seuthem III spectant.
Receptum de "https://la.wikipedia.org/w/index.php?title=Seuthes_III&oldid=3615755"